Այսօր աշխարհում նշվում է ճանապարհատրանսպորտային պատահարների զոհերի հիշատակի օրը։
Այս կապակցությամբ ՄԱԿ-ի գլխավոր քարտուղար Բան Կի Մունի ուղերձում ասվում է, որ ճանապարհային վթարները 15-29 տարեկան պատանիների ու երիտասարդների մահվան հիմնական պատճառն են։ Բացի այդ, ամեն օր դպրոցի և մանկապարտեզի ճանապարհներին ամեն օր մահանում է մի քանի հարյուր մանուկ ուղևոր և անցորդ։
«Ճանապարհատրանսպորտային պատահարները խլում են շատ կյանքեր․ ամեն օր դպրոցի, տան, մանկական խաղահրապարակների ճանապարհին մահանում է ավելի քան 200 երեխա։ Ծանր վնասվածքներ են ստանում տարբեր տարիքի միլիանավոր մարդիկ», — ասել է նա։
Բան Կի Մունի ուղերձում նաև ասվում է, որ այս տարի Միջազգային այս օրվա կապակցությամբ հիմնական շեշտը դրվելու է ճանապարհներին արագության գերազանցման խնդրի վրա։ Ծրագիրը նաև նախատեսված է առաջիկա 6 տարիների համար։
