ԱՄԷ զինված ուժերի գերագույն հրամանատարությունը ուրբաթ օրը հայտարարել է, որ Եմենում ՝ Սաուդյան Արաբիայի ղեկավարած արաբական կոալիցիայի ռազմական գործողությունների ընթացքում զոհվել են իր զինվորներից 22-ը: Այս մասին հայտնել է WAM պետական տեղեկատվական գործակալությունը:
Կատարվածի հանգամանքները չեն ներկայացվում, հայտնում է «ՌԻԱ նովոստին»:
Մինչեւ այդ դեպքը հայտնել էին եմենյան գործողության ընթացքում ԱՄԷ յոթ զինծառայողների զոհվելու մասին: Նրանցից երկուսը դասվում էին ոչ մարտական կորուստների շարքին:
