Այս պահին ՀՀ ոստիկանության Երևան քաղաքի վարչության կենտրոնական բաժնի դիմաց հավաքված ակտիվիստները չեն պատրաստվում հեռանալ՝ կոչ անելով բաց թողնել բերման ենթարկված ակտիվիստներին:
Araratnews.am-ի թղթակցի հաղորդմամբ՝ ակտիվիստները հայտարարել են, որ այսօր ժամը 18:00-ին պարաստվում են շարունակել բողոքի ցույցը Ազատության հրապարակում: Ակտիվիստները հորդորում են նաև իրենց միանալ մնացած բոլոր ակտիվիստներին: Նրանց մտավախությունը մեկն է, որպեսզի ոստիկանները Ազատության հրապարակում իրենց չդիմավորեն դուբինկաներով:
Ակտիվիստները շեշետել են նաև, որ լինեն 10, թե 1000 հոգով չեն դադարելու պայքարել, իսկ ջրցան մեքենաները նրանց չեն կարող վախեցնել:
