Դժբախ դեպք Տավուշի մարզում: Այսօր Ոսկեպար գյուղի հին եկեղեցու տարածքում ականի պայթյունի հետևանքով 2մարդ մարմնական վնասվածքներ են ստացել: Վիրավորները Տավուշի մարզի Բաղանիս համայնքից են: Համայնքապետ Նարեկ Սահակյանը Araratnews.am-ի հետ զրույցում նշեց. «Առավոտյան տասի կողմերը, մեր Բաղանիսի երկու բնակիչներ, ովքեր իրար հարևան են, Արտավազդ Կարապետյանը եւ Արշակ Սահակյանը գնացել են գյուղի մոտակայքում գտնվող գետից, ըստ նախնական տեղեկությունների, ավազ հանելու, և տեղի է ունեցել ականի պայթունը, որի հետևանքով նրանց ոտքերն են վնասվել»: Նարեկ Սահակյանը փոխանցեց, որ երկու վիրավորների ոտքերն էլ հեռացրել են. բարեբախտաբար, նրանց կյանքին վտանգ չի սպառնում:
Նարեկ Սահակյանն ասաց, որ անձամբ ինքն է արյուն տվել Արտավազդ Կարապետյանին: Երբ գյուղապետը գնացել է հիվանդանոց, տեղում իմացել է, որ Արտավազդ Կարապետյանին անհրաժեշտ է երկրորդ կարգի դրական արյուն, և քանի որ իրենը ևս այդ կարգի է, որպես քաղաքացի օգնել է:
Նարեկ Սահակյանը փոխանցեց, որ Արտավազդ Կարապետյանին տեղափոխել են Երևան, որտեղ էլ նա կշարունակի իր հետագա բուժումը, իսկ Արշակ Սահակյանը կշարունակի բուժումը Նոյեմբերյանում:
