«Աերոֆլոտ» ավիաընկերությունը հայտնել է, որ մարտի 25-ից այլևս Ռոստովից դեպի Երևան չվերթներ չի իրականացնի, հաղորդում է DonDay.ru պարբերականը:
Պաշտոնական տեղեկատվության համաձայն` փոխադրողը չվերթների իրականացումը դադարեցնում է չվացուցակը շտկելու պատճառաբանությամբ:
Այնուամենայնիվ, որոշ աղբյուրներ պնդում են, որ չվերթները հանվում են եկամտաբեր չլինելու պատճառով:
Հատկանշական է, սակայն, որ Երևանի «Զվարթնոց» օդանավակայան օրական իրականացվում էր մեկ չվերթ, և գրեթե միշտ ինքնաթիռները գերծանրաբեռնված էին:
Նշվում է նաև, որ Ռոստովից դեպի Երևան չվերթները կարող են մոտ ժամանակներս վերականգնեշվել. արդեն երկու ավիաընկերություն հայտ է ներկայացրել Ռոսավիացիա` Ռոստովից դեպի Երևան չվերթներ իրականացնելու համար:
