Ադրբեջանում անցկացվող զորավարժությունների հարցը բարձրացվել է ԵԱՀԿ շրջանակում։ Այս մասին 2018-ի պետական բյուջեի կատարողականի քննարկման ժամանակ հունիսի 6-ին խորհրդարանական մշտական հանձնաժողովների համատեղ նիստում ասաց Հայաստանի արտաքին գործերի նախարար Զոհրաբ Մնացականյանը։
ԱԳ նախարարը նշեց, որ հարցը բարձրացվում է տարբեր մակարդակներով։
«Կոնկրետ այս հարցում համապատասխան ձևաչափը ԵԱՀԿ-ն է, և այդ շրջանակում հարցն արդեն բարձրացվել է»,- տեղեկացրեց Մնացականյանը։
Նա ընդգծեց, որ նոր զորավարժություններն առանձնակի են, և դրանք պետք է դիտարկել տարածաշրջանային անվտանգության մշտական մարտահրավերի համատեքստում։
