Սեպտեմբերի 13-20-ն Ադրբեջանում կանցկացվեն լայնածավալ զորավարժություններ։ Այս մասին հաղորդում է Trend գործակալությունը՝ հղում կատարելով Ադրբեջանի նախագահի մամուլի ծառայությանը։
«Ադրբեջանի նախագահ և գերագույն գլխավոր հրամանատար Իլհամ Ալիևի կողմից հաստատված ծրագրով՝ սեպտեմբերի 13-20-ը տեղի կունենան լայնածավալ օպերատիվ-տեխնիկական զորավարժություններ, որին կներգրավվեն Ադրբեջանի զինված ուժերի բոլոր տեսակի զորքերը, ինչպես նաև Թուրքիայի զինված ուժերի ստորաբաժանումներ», — ասվում է հայտարարության մեջ։
