Ադրբեջանի արտգործնախարար Էլմար Մամեդյարովը հայտարարել է, որ իր երկիրը ճշտում է ԱՄՆ-ի պետքարտուղարի օգնական Վիկտորիա Նուլանդի կապը Եվրոպայի խորհրդի խորհրդարանական վեհաժողովում Լեռնային Ղարաբաղի մասին բանաձևի տապալման հետ, հաղորդում է Haqqin.az-ը:
Նշվում է, որ Վաշինգտոնում Ադրբեջանի դեսպանատանը հանձնարարվել է ուսումնասիրել հարցը:
Հիշեցնենք, որ խոսքը Եվրոպայի խորհրդի խորհրդարանական վեհաժողովի հունվարյան նստաշրջանում «Բռնությունների աճը Լեռնային Ղարաբաղում և Ադրբեջանի մյուս օկուպացված տարածքներում» ադրբեջանամետ զեկույցի մասին է:
Նման հետաքննություն սկսելու որոշման առիթ է հանդիսացել ամերիկացի հայամետ կոնգրեսական Ադամ Շիֆի՝ օրերս տված հարցազրույցի ժամանակ Ուոլթերի զեկույցի տապալման գործում Վիկտորիա Նուլանդի ներդրան մասին հայտարարությունն է դարձել:
