Հայաստանի Հանրապետության պաշտպանության նախարարի խոսնակ Արծրուն Հովհաննիսյանն իր ֆեյսբուքյան էջում անդրադարձել է ադրբեջանական լրատվամիջոցների տարածած տեղեկատվություններին, թե իրենց կողմից հայկական անօդաչու սարք է ոչնչացվել:
«Մենք գիտենք, որ Ադրբեջանին շատ են պետք հաղթանակներ, նույնիսկ՝ պղպջակային և մտացածին, այնքան, որ նրանք երազում անօդաչու սարքեր են տեսնում: Մեր հավաստի տվյալներով՝ ադրբեջանական կողմը ոչնչացրել է սեփական անօդաչու սարքը: Ադրբեջանցի «գործընկերները» շփոթվել են, և շուտով այս հարցի շուրջ նոր տեղեկություններ կլինեն», — գրել է Հովհաննիսյան:
