Խորվաթական «Ռիեկա» թիմի հարձակվող Անդրեյ Կրամարիչը սահմանել է յուրօրինակ ռեկորդ՝ 8 գնդակ ուղարկելով մրցակցի դարպասը երկրի գավաթի 1/16 եզրափակչում։ Այս մասին հաղորդում է Championat-ը։
«Ռիեկայի» մրցակիցը «Զմայ Բլատոն» էր, որը ներկայացնում է խորվաթական լիգայի 3-րդ դիվիզիոնը։ Խաղն ավարտվել է «Ռիեկայի» հաղթանակով 11։0 հաշվով։ 8 գոլով Կրամարիչը դարձել է Խորվաթիայի ռեկորդակիր, քանի որ նախկինում ոչ ոքի չի հաջողվել այդքան գոլ խփել։ Իսկ բացարձակ ռեկորդը պատկանում է թուրք Ֆաթիհ Բեքթաշին, ով թուրքական դիվիզիոններից մեկում դարձել է 18 գոլի հեղինակ։
