Արդեն մի քանի օր է Մալիբուում նկարահանում են նշանավոր ռեժիսորՎուդի Ալենի նոր ֆիլմի տեսարաններից մեկը, որտեղ ընդգրկված են դերասաններ Քրիսթեն Սթյուարթը եւ Ջեսի Այզենբերգը։ Հերթական էպիզոդի նկարահանման ժամանակ բլրոտ ափում տուժել է ռոմանտիկ ֆիլմերի մետրը։ Այս մասին հաղորդում է Splash գործակալությունը։ Սայթաքելով խոնավ քարերի վրայից՝ 79-ամյա ռեժիսորը ընկել է ոչ բարձր բլրի վրայից։ Նրան օգնության է հասել դերասան Ջեսի Այզենբերգը։ Վնասելով ոտքը՝ կինոգործիչը հրաժարվել է հոսպիտալացվելուց՝ չցանկանալով ընդհատել նկարահանումների պրոցեսը։ Այդուհաենդերձ, աշխատակիցները որոշ ժամանակ քարերի մեջ փնտրել են ռեժիսորի մարզակոշիկը։
