Փարիզում 50-ամյա լարախաղաց Դենի Ժոսլենը անցել է Սենայի վրայով 25 մետր բարձրության վրա ամրացված լարի օգնությամբ։ Այս մասին հաղորդում է Global News-ը։ Շինարարական կռունկների միջոցով ամրացված լարի երկարությունը եղել է 150 մետր։
Սա արդեն երկրորդ դեպքն է, երբ Ժոսլենը հատում է Ֆրանսիայի գլխավոր գետը։ Աուստերլիցի երկաթուղային կայարանի մոտ կայանալիք միջոցառման մասին նախապես էր հայտնի, այդ պատճառով այստեղ հավաքվել էին հազարավոր մարդիկ։ Անցման պրոցեսը տևել է ընդհանուր առմամբ 30 րոպե։
