Ղարաբաղա-ադրբեջանական հակամարտ զորքերի շփման գծի ողջ երկայնքով իրադրությունը մնում է ծայրաստիճան լարված: ՊԲ առաջապահ ստորաբաժանումները շարունակում են հաջողությամբ վարել պաշտպանական մարտեր և հակառակորդին հասցնել ծանր վնասներ:
Ընդհանուր առմամբ, ապրիլի 1-ի լույս 2-ի գիշերը և օրվա ընթացքում տեղի ունեցած մարտական գործողությունների ընթացքում ադրբեջանական զինուժը տվել է 200-ից ավելի կորուստ:
Ապրիլի 2-ին Քաշաթաղի շրջանում նույնպես հանրակրթական և այլ դպրոցներում դադարեցվեցին դասերը, աշխատանքային հայտարարված շաբաթ օրը հիմնարկներում աշխատեցին միայն տղամարդիկ: «Շրջվարչակազմում սկսեց գործել քաղպաշտպանության օպերատիվ շտաբը՝ շրջվարչակազմի ղեկավար Սուրեն Խաչատրյանի գլխավորությամբ: Լսելով սահմանում իրավիճակի աննախադեպ իրադարձությունների մասին՝ շրջանի բոլոր համայնքներից հարյուրավոր կամավորներ եկան շրջկենտրոն և դիմեցին զինկոմիսարիատ՝ սահման մեկնելու և սատար կանգնելու սահմանապահ զինվորներին: Ողջ օրվա ընթացքում ՔՊ շտաբն ու զինկոմիսարիատն աշխատեցին ու աշխատում են արտահերթ ռեժիմով: Զինկոմիսարիատի աշխատակիցների հետ աշխատում էին նաև շրջվարչակազմի կառույցների աշխատակիցները, ուղեկցում սահման մեկնող մեքենաներին: Գիշերվա ընթացքում հանրապետության տարբեր պաշտպանական շրջաններ են մեկնել կամավորներ: Այժմ էլ զինկոմիսարիատի մոտ շատ են սահման մեկնել ցանկացողները»,- այս մասին տեղեկանում ենք Քաշաթաղի «Մերան» շրջանային պաշտոնաթերթի ֆեյսբուքյան էջից:
Թեմային առնչվող այլ նյութերը` ստորև
ԼՂՀ-ի ողջ սահմանի երկայնքով ընթանում են մարտեր. Արծրուն Հովհաննիսյան
Հայկական զինուժը ադրբեջանական ուղղաթիռ է խոցել
Երկու կողմերն էլ զոհեր ունեն. ՊՆ խոսնակ
ՀՀ պաշտպանության նախարարությունը մշտական կապի մեջ է գտնվում միջազգային կազմակերպությունների հետ
Եվրախորհրդարանի իսպանացի պատգամավորը դատապարտել է ադրբեջանական կողմի գործողությունները
ԵԱՀԿ Մինսկի խմբի հայտարարությունը Լեռնային Ղարաբաղում իրավիճակի սրման վերաբերյալ
Ադրբեջանի ՊՆ-ն պաշտոնապես հայտարարել է իր կորուստների մասին
