Ֆրանսիայի հավաքականի պաշտպան Ժերեմի Մատյոն վնասվածք էր ստացել Ռուսաստանի ընտրանու դեմ ընկերական խաղում, հաղորդում է Armsport.am-ը:
Ինչպես հայտնում է «barcastuff»-ը, «Բարսելոնայի» ֆուտբոլիստն այսօր վիրահատության է ենթարկվելու: Նշվում է, որ հավանականություն կա, ըստ որի՝ Մատյոն բաց կթողնի Եվրոպայի 2016 թվականի առաջնությունը:
Նախնական տեղեկություններ կան այն մասին, որ խաղացողի վերականգման ժամանակահատված է սահմանվել 3 ամիսը:
Մատյոն Իսպանիայի ընթացիկ առաջնության 19 հանդիպումներում 2 գոլային փոխանցման հեղինակ է դարձել:
