«Ավելացված արժեքի հարկի մասին» Հայաստանի Հանրապետության օրենքում փոփոխություն կատարելու մասին» ՀՀ օրենքի համաձայն, օրենքի 6.1-րդ հոդվածով նախատեսված՝ ՀՀ կառավարության որոշմամբ ընտրված կազմակերպությունների և անհատ ձեռնարկատերերի կողմից ներդրումային ծրագրերի շրջանակներում ներմուծվող ապրանքների 300 մլն դրամ արժեքային սահմանաչափը, որը կիրառվում է մաքսային մարմինների կողմից հաշվարկված ԱԱՀ-ի գումարների վճարման ժամկետի հետաձգման նպատակով, 2014 թվականի հունվարի 1-ից փոխարինվել է 200 մլն դրամով: Դրա կիրառման համար կառավարության որոշումներում անհրաժեշտ են համապատասխան փոփոխություններ, որոնք կարվեն հինգշաբթի օրվա նիստում:
