30 մարդասիրական կազմակերպությունների միջազգային միության զեկույցի համաձայն` 2015 թվականը սիրիական հակամարտության ամենավատ տարին է եղել, հաղորդում է Deutsche Welle-ն:
Նշվում է, որ վերջին տարում կարիքավորների, փախստականների և պաշարված քաղաքների բնակիչների թիվն էապես մեծացել է: Մարդասիրական կազմակերպությունների կարծիքով` մեղավորներն են Ռուսաստանը, ԱՄՆ-ն, Ֆրանսիան և Մեծ Բրիտանիան:
Նշվում է, որ 2015 թվականին Սիրիայում զոհվել է առնվազն 50 հազար մարդ, մոտ մեկ միլիոն մարդ ստիպված է եղել փախչել, ևս մեկ ու կես միլիոն մարդու կյանք կախված է մարդասիրական օգնությունից:
Ավերվել է մոտ 200 հազար շինություն, ինչը 20 տոկոսով ավելի է 2014 թվականի ցուցանիշից:
