Անցած տարի աշխարհում մարդիկ աղբամանն են նետել 41.8 մլն տոննա էլեկտրոնային սարքեր։ Այս մասին ասվում է ՄԱԿ-ի համալսարանի զեկույցում։ Հաղորդում է France Presse գործակալությունը։
Մասնագետների հաշվարկով՝ այդքան աղբը հնարավոր է դուրս բերել 1.15 մլն բեռնատարով, որոնք կարող էին 23 հազար կիլոմետրանոց շղթա կազմել։ Թափոնների գինը վերամշակումից հետո կարող է կազմել 52 մլրդ դոլար։ Օրինակ՝ թափված աղբի մեջ եղել է մոտ 300 տոննա ոսկի, ինչը կազմում է 2013 թվականին աշխարհում արտադրված ոսկու 11 տոկոսը։
