2014 թվականին կարող է սահմանվել արտագնա տուրիզմի ռեկորդ. իրենց երկրի սահմաններից դուրս եկած քաղաքացիների թիվը մեկ տարվա կտրվածքով կարող է կազմել 1,1 մլրդ մարդ: Այս մասին հայտնում է ՄԱԿ-ի ստորաբաժանումներից մեկը` Զբոսաշրջային համաշխարհային կազմակերպությունը:
Անցած 10 ամիսների ընթացքում արտագնա զբոսաշրջիկների թիվը կազմում է 978 մլն., ինչը 4,7 տոկոսով ավելին է նախորդ տարվա նույն ժամանակահատվածի համեմատ: Այս թիվը ավելին է Կազմակերպության կողմից կանխատեսված 3,8 տոկոս աճի համեմատ: Ամենամեծ աճը գրանցվել է Հյուսիսային և Հարավային Ամերիկաներում (8 տոկոս), այնուհետև՝ Ասիական-աղաօվկիանոսյան (+5%) և եվրոպական (+4%) տարածաշրջաններն են:
