Միավորված ազգերի կազմակերպությունն այսօր հայտարարել է, որ Սիրիայի հարցով խաղաղության կոնֆերանսը կկայանա 2014 թվականի հունվարի 22-ին: Այս մասին հաղորդում է Associated Press գործակալությունը:
ՄԱԿ-ի գլխավոր քարտուղարն անդրադառնալով խաղաղության կոնֆերանսի մասին հարցին, ասել է որ այն յուրօրինակ գործիք կդառնա Սիրիայում քաղքացիական պատերազմը դադարեցնելու և Սիրիայի խաղաղ վերափոխումն ապահովելու համար: Ըստ գլխավոր քարտուղարի` այդ միջոցառման հիմնական նպատակը լինելու է անցումային կառավարություն ստեղծելը, որը ձեռնտու կլինի երկու կողմերին էլ:
Այս պահին հայտնի չէ, թե ինձ ձևաչափով է անցնելու կոնֆերանսը, ինչպես նաև այն, թե արդյոք Կատարը, Սաուդյան Արաբիան կամ Իրանը մասնակցելո՞ւ են այդ կոնֆերանսին:
