ԱՄՆ Սենատը հայտարարել է այն մասին, որ 2012 թվականին լիբիական Բենղազիում տեղի ունեցած ահաբեկչությունից կարելի էր խուսափել: Ահաբեկչության հետևանքով զոհվել էին Լիբիայում ԱՄՆ դեսպանը և երեք այլ անձինք:
Այս մասին տեղեկացրել են ԱՄՆ Սենատի երկու կուսակցությունների ներկայացուցիչները Սենատի հետախուզության հարցերով կոմիտեի հաշվետվության հրապարակումից հետո:
«Կոմիտեն կարծում է, որ հնարավոր էր խուսափել հարձակումից՝ հիմնվելով Լիբիայում աաբեկչական ակտիվ գործունեության մասին մեր տրամադրության տակ գտնվող բազմաթիվ հետախուզական տեղեկությունների վրա և հաշվի առնելով ԱՄՆ առաքելության անվտանգություն ապահովելու ակնհայտ ձախողումները»,- ասվում է հաշվետվության մեջ:
