«Սուքիասյան» բարեգործական հիմնադրամը շարունակում է 2013 թվականից սկսած բարեգործական ծրագրի իրականացումը հատուկ Հայաստանի պետական ճարտարագիտական համալսարանի ուսանողների համար: Այսօր ՀՊՃՀ-ում «Սուքիասյան» բարեգործական հիմնադրամի հոգաբարձուների խորհրդի նախագահ Խաչատուր Սուքիասյանը համալսարանի 20 ուսանողներին հանձնեց Ալբերտ Սուքիասյանի անվան կրթաթոշակներ: Ուսանողներից յուրաքանչյուրը ստացավ «ՀայԷկոնոմբանկի» քարտ` 250 հազարական դրամի առկայությամբ:
Կրթաթոշակներ ստացան բուհ-ի բակալավրի և մագիստրատուրայի տարբեր ֆակուլտետների ուսանողներ:
«Հայաստանը շատ մեծ հնարավորություններ ունի հզոր տնտեսություն ունենալու: Մեր հույսը լավ կրթություն ստացած եկող սերունդն է: Պետք է խթանենք ստեղծելու այն, ինչ հնարավոր է մրցունակ դարձնել, մեր պետության, մեր հասարակության ու ժողովրդի համար: Պայքարեք, աշխատեք, ստեղծեք, որպեսզի փոփոխությունների հասնենք»,- իր խոսքում ասաց ՀՊՃՀ հոգաբարձուների խորհրդի անդամ Խաչատուր Սուքիասյանը:
«Սուքիասյան» հիմնադրամը կարևորում է գիտելիքի և ուսման դերն ու ակնկալում, որ ուսանողները ձեռք բերված գիտելիքները կծառայեցնեն մեր երկրի զարգացմանը:
Տեսանյութը՝ քիչ անց:
