Աֆղանստանից սովետական զորքերի դուրսբերման 25-ամյակի կապակցությամբ «Թալիբան» շարժումն ամերիկացիներին հիշեցրել է խորհրդային զորքերի ճակատագիրը, ում այդպես էլ չի հաջողվել օկուպացնել իրենց երկիրը։ Հաղորդում է BBC-ն։
Լրագրողներին ուղարկված հայտարարության մեջ թալիբները նշում են, որ այսօր ԱՄՆ-ին ևս սպառնում է սովետական զորքերի ճակատագիրը. ամերիկացիները փորձում են փախչել Աֆղանստանից։
Ասվում է նաև, որ միջազգային զորքերն արդեն իսկ ընդունված որոշմամբ՝ ՆԱՏՕ-ի գլխավորությամբ մինչև ընթացիկ տարվա ավարտը պետք է լքեն Աֆղանստանի սահմանները։
Հիշեցնենք, որ Աֆղանստանում 10 տարի տևած պատերազմի ընթացքում տարբեր հաշվարկներով սովետական բանակի շուրջ 15 հազար զինվորականներ և ավելի քան մեկ միլիոն աֆղանցի է զոհվել։
