Վերջին օրերին Երևան քաղաքի տարբեր հատվածներում հայտնվել են «100°» վերտառությամբ գրառումներ: Սակայն դրանց մի մասն արդեն ջնջվել է հավանաբար քաղաքային իշխանությունների կողմից: Իսկ երեկ երեկոյան համացանցում է հայտնվել «100° Ցելսիուս» վերնագրով տեսանյութ, որտեղ նկարագրված է գրառումների կատարման գործընթացը: Տեսանյութից կարելի է եզրակացնել, որ 100°-ը խորհրդանշում է եռման ջերմաստիճանը, սակայն թե ովքեր են սրա հեղինակները մեզ պարզել չհաջողվեց:
