Գործադիրի այսօրվա նիստին ՀՀ կրթության և գիտության նախարար Արմեն Աշոտյանը ներկայացրեց ՀՀ կրթության և գիտության նախարարության գիտության պետական կոմիտեի՝ ՀՀ 2015 թվականի պետական բյուջեի միջոցներից «Հայաստանի ճարտարագիտական ակադեմիա» հասարակական կազմակերպությանը գումար հատկացնելու մասին որոշման նախագիծը:
Նա հայտարարեց, որ որոշման համար հիմք է հանդիսացել Հայաստանի ճարտարագիտական ակադեմիայի պատվավոր նախագահ ՀՀ ԳԱԱ ակադեմիկոս Սերգեյ Համբարձումյանի դիմումը՝ առ այն, որ կազմակերպությունը գտնվում է ծանր ֆինանսական կացության մեջ, և հետագա բնականոն գործունեությունը շարունակելու համար անհրաժեշտ է ֆինանսական օժանդակություն:
Գործադիրը որոշում կայացրեց կրթության և գիտության նախարարության գիտության պետական կոմիտեի 2015 թվականի պետական բյուջեի միջոցներից «Հայաստանի ճարտարագիտական ակադեմիա» հասարարակական կազմակերպությանը հատկացնել տասը միլիոն ՀՀ դրամի չափով գումար:
