Ֆրանսիայում ձերբակալել են միլիարդատեր պատգամավոր Սերժ Դասսոյին

Ընտրողներին կաշառելու մեջ կասկածվող ֆրանսիացի 88-ամյա միլիարդատեր Սերժ Դասսոն ձերբակալվել է։ Նման որոշում է կայացրել Նանտերի քաղաքային դատարանը։

Դասսոն մեղադրվում է Փարիզից քիչ հեռու գտնվող Կորբեյ-Էսոնի քաղաքապետի ընտրությունների ժամանակ քվեարկության արդյունքները կեղծելու և ընտրողներին կաշառելու համար։

Միլիարդատերը զրկվել է խորհրդարանական անձեռնմխելիությունից Ֆրանսիայի Սենատի որոշմամբ։ Այս մասին հայտնում է The Guardian-ը։

Դասսոնին նաև հարցաքննել են հասարակական միջոցները մսխելու գործի շրջանակներում։ Արդեն նախկին քաղաքապետը մեղադրվում է նաև կոռուպցիայի և փողերի լվացման համար։

Հավելենք, որ միլիարդատիրոջն են պատկանում հայտնի Le Figaro թերթն ու L’Express շաբաթաթերթը։