Շախմատի միջազգային ֆեդերացիան` ՖԻԴԵ-ն, հետաձգել է կանանց Գրան Պրին:
Այս մասին հայտնում է ՖԻԴԵ-ի մամուլի ծառայությունը: Իտալական Սարդինիա քաղաքում նախատեսված կանանց Գրան Պրին պետք է կայանար մայիսի 2-15, սակայն հետաձգվել է կորոնավիրուսի պանդեմիայի պատճառով: Դեռևս հայտնի չէ, թե հետագայում որտեղ և երբ կանցկացվի մրցաշարը:
Ավելի վաղ ՖԻԴԵ-ն հետաձգել էր նաև շախմատի աշխարհի չեմպիոնի մրցախաղի հավակնորդների մրցաշարը:
