Ֆրանսիայի նախագահ Ֆրանսուա Օլանդը հունիսի 6-ի Նորմանդիայում դաշնակիցների զորքերի ափհանման հոբելյանական միջոցառումների ժամանակ կհանդիպի ՌԴ նախագահ Վլադիմիր Պուտինի հետ և կքննարկի Ուկրաինայի հարցը։ Այս մասին հաղորդում է France Presse գործակալությունը։
Այս հայտարարությունը Ֆրանսիայի նախագահն արել է երեքշաբթի երեկոյան ԵՄ պետությունների ղեկավարների ոչ պաշտոնական հանդիպման ժամանակ։ Ավելի վաղ Պուտինը հայտնել էր, որ երկկողմ հանդիպում է ունենալու Ֆրանսիայի նախագահի հետ։
Թեպետ ԱՄՆ-ի և Գերմանիայի նախագահները նույնպես ժամանելու են Ֆրանսիա, այդուհանդերձ նրանք չեն պատրաստվում հանդիպել Պուտինի հետ։ Ավելին, Օբաման իր առաջին հանդիպումն է ունենալու Ուկրաինայի նորընտիր նախագահ Պյոտր Պորոշենկոյի հետ։
