Ֆրանսիան ցանկանում է Իրանի միջուկային ծրագրի վերաբերյալ հասնել «միջանկյալ լուծման», սակայն դրա համար ունի 4 պայման։ Այս մասին հայտարարել է Ֆրանսուա Օլանդը Իսրայելի վարչապետ Բենյամին Նեթանյահուի հետ համատեղ մամուլի ասուլիսի ժամանակ։ Բանակցությունները կայացել են Երուսաղեմում։ Այս մասին հաղորդում է ITAR-TASS-ը։
«Առաջին պայմանը՝ միջազգային վերահսկողությանը հանձնել Իրանի բոլոր միջուկային օբյեկտները, երկրորդը՝ դադարեցնել ուրանի հարստացումը մինչև 20 տոկոս, երրորդը՝ կրճատել դրա գոյություն ունեցող պաշարները, և վերջինը՝ դադարեցնել Արակում միջուկային կենտրոնի կառուցումը»,- հայտարարել է Օլանդը։
Նա շեշտել է, որ բանակցություններն, իհարկե, նախընտրելի են, սակայն Իրանը շատ երկար ժամանակ է ինչ մասնակցում է բանակցությունների՝ դրանք ձգվում են անվերջ։
