ԱՄՆ նախագահ Բարաք Օբաման ներողություն է խնդրել այն ամերիկացիներից, ովքեր զրկվել են բժշկական ապահովագրությունից առողջապահական ապահովագրության համակարգի բարեփոխումներից հետո: Այս մասին Օբաման հայտարարել է NBC հեռուստաալիքի եթերում:
Ամերիկյան ապահովագրական ընկերությունները հրաժարվում են սպասարկել հազարավոր ամերիկացիների, քանի որ ապահովագրական ծրագրերը, որոնք սահմանված են գործող համակարգում, չեն համապատասխանում նոր չափանիշներին: Օբաման խոստացել է, որ այն ամերիկացիները, ովքեր ներկայում գոհ են իրենց ապահովագրական փաթեթներով, կարող են պահպանել դրանք:
