Վաշինգտոնն աջակցում է Վրաստանի ձգտումներին դեպի ՆԱՏՕ և շարունակում է պաշտպանել այդ երկրի տարածքային ամբողջականության սկզբունքը։ Այս մասին հայտարարել է ԱՄՆ նախագահ Բարաք Օբաման և փոխնախագահ Ջոզեֆ Բայդենը Վրաստանի վարչապետ Իրակլի Ղարիբաշվիլու հետ ահնդիպման ժամանակ։ Այս մասին հաղորդում է RIA-Novosti գործակալությունը։
«Նախագահն ու փոխնախագահը կրկին հաստատել են Վրաստանի անկախությանն ու միջազգային ճանաչված սահամններում տարածքային ամբողջականությանն աջակցելու հաստատակամությունը։ Նրանք նաև հավաստել են, որ ԱՄՆ-ն աջակցում է վրաց ժողովրդի եվրաատլանտյան ձգտումներին, խոստացել են շարունակել օգնությունը քաղաքական, տնտեսական և պաշտպանական բարեփոխումներում», — ասվում է Սպիտակ տան հայտարարության մեջ։
