Հելսինկյան կոմիտեի Վանաձորի գրասենյակի նախագահ Արթուր Սաքունցը, անդրադառնալով ՀՀ երկրորդ նախագահ Ռոբերտ Քոչարյանի երեկվա հարցազրույցին, իր ֆեյսբուքյան էջում գրել է.
«Ներկայիս քաղաքական մեծամասնությունը պատասխանատու է նաև հենց Քոչարյանի օրոք կատարված հանցագործությունների համար..Այն ժամանակ էլ ուներ մեծամասնություն ԱԺ-ում և բացարձակապես գոնե մեկ խոսք չի ասել դեմ գույք պարտքի դիմաց գործարքի դեմ. Հիմա, երբ Քոչարյան-Տիգրան Սարգսյան խաղի վերաբերյալ կարծիքներ են հնչում ՀՀԿ-ի ներկայացուցիչների կողմից, ուղղակի զավեշտալի է.. Քոչարյանին հիմա քննադատում եք, որ ի՞նչ անեք։ Բա խոսեիք, այն ժամանակ երբ լռում էիք, ինչո՞ւ։ Ահա սրանում է ամբողջ խաղի էությունը.. Քոչարյանի ռեժիմի քաղաքական հենարանը հենց առաջին հերթին ՀՀԿ-ն է իր ղեկավարի Սերժ Սարգսյանի հետ միասին, նաև կոալիցիա կազմած ԲՀԿ-ն , Դաշնակցությունը, և ՀՀԿ-ին կից ՕԵԿ-ը, որոնց անմիջական մասնակցությամբ ձևավորվեց Հայաստանում մարդու իրավունքների համատարած խախտման, ժողովրդավարական ինստիտուտների ոչնչացման համակարգը…»:
