Իշխող կուսակցության պատգամավոր Մխիթար Հայրապետյանը ԱԺ-ում պետական բյուջեում փոփոխություն կատարելու մասին նախագծի քննարկման ժամանակ փորձեց ամփոփել բոլորի ելույթները:
Հայրապետյանն ասաց, որ կորոնավիրուսից ուրախացողների թիվը գնալով աճում է: «Եթե սկզբում ուրախացել էին ՍԴ անդամները, այսօր նկատում եմ, որ ուրախացողնեի թիվը գնալով աճում է»:
Մխիթարյանն անդրադարձավ նաև «Լուսավոր Հայաստան»-ի իր գործընկերների ելույթներին:
Սամսոնյանի ոչ կոռեկտ հայտարարությունների մասին Մխիթարյանն ասաց, թե չի հասկանում՝ որտեղից է գալիս այս ագրեսիան. «Եվ ձեզ հարիր չեմ համարում ԱԺ փոխխոսնակի մասին նման կերպ արտահայտվելը:
Կառավարությունը գիտակցում է, որ դժվարին ժամանակներում ենք: Բայց ստեղծված իրավիճակոմ ամեն բան արվում է: Այն քննադատությունները, որ հնչեցնում եք, շատ տարբեր են: Քննադատություն կա, որի տակ հոգատարություն կա, քննադատություն էլ կա, որի տակ թույն կա»,- եզրափակիչ մասում ասաց Մխիթար Հայրապետյանը:
Հայկ Մագոյան
