ԱՄՆ-ի պետքարտուղար Ջոն Քերին հայտարարել է, որ Սիրիայի քիմիական զենքի ոչնչացումը չի հանգեցնի երկրում ընթացող քաղաքացիական պատերազմի և հումանիտար ճգնաժամի ավարտին, գրում է ИТАР-ТАСС-ը:
«Սիրիայի քիմիական զենքի ոչնչացումը չի բերի ոչ քաղաքացիական պատերազմի ավարտին, ոչ էլ վերջ կտա հումանիտար ճգնաժամին»,- ասել է նա:
ԱՄՆ-ի պետքարտուղարը նաև նշել է քիմիական զենք արտադրող սարքավորումների ոչնչացման փաստի կարևորությունը: Նրա խոսքերով`այդ տեխնիկայի ոչնչացումը կարևոր քայլ է, որը թույլ է տալիս բացառել հետագայում քիմիական զենքի կիրառումը խաղաղ բնակչության շրջանում: Քերին վստահյություն է հայտնել, որ ձեռք բերված առաջընթացը կամրապնդվի:
