Ռուսաստանի արտաքին գործերի նախարար Սերգեյ Լավրովն ու նրա ամերիկացի գործընկեր Ջոն Քերին այսօր կհանդիպեն Բրյուսելում։ Այս մասին հաղորդում է ITAR-TASS գործակալությունը՝ հղում կատարելով դիվանագիտական իր աղբյուրին։
«Ռուսաստան — ՆԱՏՕ նախարարական խորհրդի նիստի շրջանակներում Ռուսաստանի արտաքին գործերի նախարար Սերգեյ Լավրովը նախատեսում է երկկողմ հանդիպումներ ունենալ, այդ թվում ԱՄՆ պետքարտուղար Ջոն Քերիի հետ», — ասել է աղբյուրը։
Երեկ նախարարական հանդիպմանն անդրադարձել է նաև ՆԱՏՕ-ի գլխավոր քարտուղար Անդրես ֆոգ Ռասմուսենը, ով նշել է, որ կքննարկվեն Ռուսաստանի հետ համատեղ գործողություններին վերաբերող շատ հարցեր։
