ԱՄՆ պետքարտուղար Ջոն Քերին Ուկրաինայի իշխանություններին կոչ է արել ընտրություն կատարել քաոսի և երկխոսության միջև։ Այս մասին հայտնում է Reuters-ը։
«Նախագահ Յանուկովիչը երկու տարբերակների միջև ընտրություն կատարելու հնարավորություն ունի։ Նա կարող է որոշել պաշտպանել իր ժողովրդին՝ ընտրելով երկխոսությունն ու փոխզիջումների գնալու ճանապարհը։ Կամ էլ նա կարող է ընտրել բռնությունն ու քաոսը», — ասել է Քերին։
Պետքարտուղարի խոսքերով, ակնհայտ է, թե տարբերակներից որ մեկն է նախընտրելի։
