ԱՄՆ պետդեպարտամենտի ներկայացուցիչ Ջեն Պսակիի հաղորդմամբ՝ ԱՄՆ պետքարտուղար Ջոն Քերին հոկտեմբերի 21-24-ը կայցելի Փարիզ, Լոնդոն և Հռոմ քննարկելու համար Մերձավոր Արևելքում, մասնավորապես Սիրիայում տիրող իրավիճակը:
Պսակիի հաղորդմամբ՝ Փարիզում նախատեսվում են հանդիպումներ արաբական մի շարք երկրների արտաքին գործերի նախարարների, այդ թվում՝ Սաուդյան Արաբիայի արտգործնախարար Սաուդ Ալ-Ֆեյսալի հետ: Լոնդոնում Քերին կմասնակցի 11 երկրների կոնֆեդերացիայի հանդիպմանը, որոնք սատարում են Սիրիայի զինված ընդդիմությանը: Հռոմում ԱՄՆ պետքարտուղարը կհանդիպի Իսրայելի վարչապես Բենյամին Նեթանյահուի հետ. կքննարկվեն Մերձավոր Արևելքին, Իրանին և Սիրիային առնչվող հարցեր:
