Մեծ Բրիտանիայի վարչապետ Դևիդ Քեմերոնը հայտնել է այն մասին, որ չի պատրաստվում ժամանել 2014 թվականի Սոչիի Օլիմպիական խաղերին: Այդ մասին հայտնում է Gazeta.ru-ն՝ հղելով The Independent-ին:
Պարբերականը, սակայն, նշում է, որ Քեմերոնի այս որոշումը կապված չէ Ռուսաստանի՝ մարդու իրավունքների, մասնավորապես նույնասեռականների իրավունքների վիճակի հետ:
Ինչպես հաղորդվում է՝ Օլիմպիական խաղերում բրիտանական պատվիրակության կազմում կլինեն մշակույթի և սպորտի հարցերով նախարարները:
Հիշեցնենք, որ ավելի վաղ Ֆրանսիայի նախագահ Ֆրանսուա Օլանդը ևս հայտարարել էր այն մասին, որ չի այցելելու Սոչիի Օլիմպիական խաղերը:
