Երևանի քաղաքապետարանը չի վստահում իր հարազատ «գծատերերին» և սկսել է լայնածավալ աշխատանքˋ նրանց ֆինանսական եկամուտները վերահսկելու համար: Երևանի քաղաքապետարանի տրանսպորտի վարչության պետ Հենրիկ Նավասարդյանը, արդեն մի քանի օր է վարչության աշխատակիցներին գործուղում է տարբեր երթուղիներ, որպեսզի հասկանան, թե որքա՞ն եկամուտ են ստանում «գծատերերը»:
Ինչպես փոխանցում են AraratNews.am-ի աղբյուրներըˋ ստուգումների չեն ենթարկվի միայն քաղաքապետին և քաղաքապետարանի այլ պաշտոնյաներին պատկանող երթուղիներըˋ մնացած երթուղիները ստուգվելու են անխտիր: Երթուղիներ գործուղված քաղաքապետարանի աշխատակիցների խնդիրն է գրանցել, թե քանի ուղևոր են տեղափոխում երթուղայինները:
