Քաղաքական մեկնաբան Պետրոս Ղազարյանը Ամանորին պատրաստվում է հանդես գալ իր նորˋ «Քաղաքական տիկնիկներ» հեռուստատեսային նախագծով: Հովհաննես Թումանյանի անվան տիկնիկային թատրոնի աշխատակիցների հետ նա ստեղծել է տիկնիկներ Հայաստանի եւ միջազգային քաղաքական դաշտի հայտնի դեմքերով:
Ամեն շաբաթ քաղաքական տիկնիկներով նկարահանվելու է մեկ սերիալ, որի շրջանակներումˋ հումորի ժանրում կներկայացվեն երկրի ամենակարեւոր հիմնահարցերն ու շաբաթվա քաղաքական իրադարձությունները:
Սա Պետրոս Ղազարյանի անհատական նախաձեռնությունն է, որը առաջին անգամ կհեռարձակվի Ամանորինˋ տոնական թեմայով:
