«Բիթլզ» խմբի նախկին մենակատար Փոլ ՄըքՔարթնին երեկ մինի համերգ է կազմակերպել Նյու Յորքի «Թայմս սքվեր» հրապարակում։
Փոլն իր երկրպագուներին համերգի մասին տեղեկացրել է դրանից մեկ ժամ առաջ Twitter-ի իր էջում ․ «Բոլորդ եկեք Թայմս սքուեր։ Անհամբեր սպասում եմ այնտեղ իմ ելույթին»։
Համերգը տևել է 15 րոպե․ «Ես այստեղ կարող եմ մնալ ընդամենը 15 րոպե։ Ինչպես ասում էր Էնդի Ուորհոլը՝ յուրաքանչյուրն իրավունք ունի փառքի 15 րոպե ունենալ։ Ահա դրանք»։ Երգիչը կատարել է իր նոր ալբոմից 4 աշխատանք։ Դրանք կթողարկվեն այս տարվա հոկտեմբերի 14-ին։ Անվանի երգչին եկել էին լսելու տասնյակ մարդիկ։ «Համերգը հիասքանչ էր։ Ամեն անգամ, երբ ՄըքՔարթնին հայտնվում է բեմում, կարելի է հոյակապ երաժշտություն ակնկալել», — ասել է Թայմս սքուերում պատահական հայտնված մի զբոսաշրջիկ։
