Հայաստանի ԱԳ նախարար Զոհրաբ Մնացականյանն այսօր մամուլի ասուլիսում խոսեց վարչապետ Նիկոլ Փաշինյանի` ԱՄՆ կատարելիք այցի մասին:
«Վարչապետը լինելու է Նյու Յորքում` ՄԱԿ-ի Գլխավոր ասամբլեայում: Մենք հետևողականորեն օգտագործում ենք այդ կարևոր հարթակը, կլինի վարչապետի ելույթը, կլինեն երկկողմ հանդիպումներ, այլ ելույթներ, կհստակեցվեն պայմանավորվածություններ»,- ասաց նախարարը:
Մնացականյանն անդրադարձավ նաև ՀՀ վարչապետի և ԱՄՆ նախագահի հանդիպման հեռանկարին։
«Մենք ԱՄՆ-ի հետ հարաբերությունների առումով որևէ դեֆիցիտ չունենք, բարձր մակարդակում մենք ունենք շատ ակտիվ երկխոսություն, չունենք որևէ սահմանափակում ցանկացած պահի ակտիվացնել դրանք»,- ասաց Մնացականյանը` շեշտելով, որ կլինի ՀՀ վարչապետի և ԱՄՆ նախագահի հանդիպում, սակայն թե երբ՝ հայտնի չէ:
