Տաջիկստանի նախագահ Էմոմալի Ռահմոնը իր հրամանագրով որդուն` Ռուստամ Էմոմալիին նշանակել է երկրի Մաքսային ծառայության ղեկավարի պաշտոնում: Այս մասին հաղորդում է ITAR-TASS գործակալությունը:
Հայտնի է, որ 26-ամյա Ռուստամը հավակնում է ապագայում փոխարինել հորն այդ պաշտոնում:
Հիշեցնենք, որ Ռահմոնը, ով երկրի ղեկավարի պաշտոնը զբաղեցնում է 1992 թվականից, նոյեմբերի 6-ին կայացած ընտրություններում հերթական անգամ վերընտրվել է Տաջիկստանի նախագահի պաշտոնում:
