Վրաստանի հարավ-արևմտյան մի շարք շրջաններում ուժեղ փոթորիկն առաջացրել է զգալի ավերածություններ։ Վնասվել են և պոկվել են հարյուրավոր շենքերի և առանձնատների տանիքներ, վնասվել են էլեկտրալարեր։ Այս մասին հաղորդում է Apsny.ge-ն։
Այժմ մի քանի խումբ աշխատում է էլեկտրամատակարարումը վերականգնելու ուղղությամբ։ Մի քանի հազար հեկտար ցանկատարածություններ անցել են ջրի տակ հորդառատ անձրևների պատճառով Վրաստանի արևելքում։ Սատկել է մի քանի հարյուր գլուխ անասուն։ Վնասվել են կամուրջներ։
