Վրաստանը կդառնա հարավարևելյան Եվրոպայի երկրների պաշտանության մինիստերիալի լիարժեք անդամ։ Այս մասին հաղորդում է Gruziya-online-ը՝ հղում կատարելով Վրաստանի պաշտպանության նախարար Իրակլի Ալասանիային։ Նրա խոսքերով՝ Վրաստանն այսուհետ այդ նախաձեռնության ոչ թե դիտորդ, այլ լիարժեք անդամ է։
Վերջնական անդամության փաստաթղթային փուլը կտևի մոտ մեկ տարի․ «Վստահ եմ, որ սա լուրջ առաջընթաց է ՆԱՏՕ-ի հետ ինտեգրվելու ճանապարհին», — ասել է Ալասանիան։
Վրաստանը պաշտպանության մինսիտերիալի դիտորդ-անդամ է 2006 թվականից։ Այս ֆորմատը թույլ է տալիս ավելի արագ ինտեգրվել Հյուսիսատլանտյան դաշինքին։
