Հունվարի 13-ին Քանաքեռ-Զեյթուն ընդհանուր իրավասության դատարանը ևս մեկ անգամ երկու ամսով երկարացրեց պահեստազորի գնդապետ Վոլոդյա Ավետիսյանի կալանքը: Սա արդեն կալանքի երկարաձգման երկրորդ դեպքն էր: Մինչ այժմ չեն կատարվել որևէ քնչական գործողություններ, որևէ վկա չի հարցաքննվել, առերեսում չի իրականացվել:
Վոլոդյա Ավետիսյանի փաստաբան Արա Զաքարյանը ասաց, որ քննիչը որևէ նոր հանգամանք չի ներկայացրել, որը կհիմնավորեր կալանքի հերթական անգամ երկու ամսով երկարաձգելը: Դատական նիստը ձգձգվեց մի քանի ժամ՝ նյարդայնացնելով հավաքված ազատամարտիկներին:
Վոլոդյա Ավետիսյանը նույնիսկ չցանկացավ ներկա գտնվել դատական նիստին:
Նման տեսակի մեղադրանքների դեպքում կալանքի առավելագույն ժամկետը կարող է լինել վեց ամիս, այսինքն՝ սա կալանքի վերջին երկարացումն էր:
