Վերջին տվյալներով արդեն 12 մարդ է զոհվել Վաշինգտոն քաղաքում գտնվող ԱՄՆ ռազմածովային ուժերի բազայում տեղի ունեցած հրաձգությունից: Ըստ տեղեկությունների ևս 14 մարդ վիրավորվել է: Հարձակման երեք մասնակիցներից մեկը սպանվել է, երկրորդը` վնասազերծվել:
Կրակը բացվել է երկուշաբթի առավոտյան “Նեյվի-յարդ” բազայում, Վաշինգտոնի կենտրոնից ոչ հեռու գտնվող Անակոստիա գետի մոտակայքում:
Ընդ որում հանցագործը կրակ է բացել մի շենքում, որը գտնվում է խիստ հսկողության ներքո:
Կատարվածի մեջ մեղադրվող 34 ամյա Ահարոն Ալեկսիսը ժամանակին ծառայել է ԱՄՆ-ի ՌԾՈՒ-ում և ուներ համապատասխան իրավունք մուտք գործել այդ և այլ ռազմական օբյեկտներ, աշխատում էր ՏՏ-կազմակերպությունում:
«Ոստիկանությունը մինչև հիմա չունի տեղեկություն հանցագործության դրդապատճառների մասին, ինչպես նաև չի կարելի միանշանակ պնդել որ սա ահաբեկչություն է»”,- ԱՄՆ-ի մայրաքաղաքից հաղորդում է EN-ի լրագրող Շտեֆան Գրոբեն:
