Վենեսուելայի կառավարությունը որոշում է կայացրել ազգայնականացնել զուգարանի թուղթ արտադրող ամենախոշոր գործարանը, քանի որ երկրում նկատվում է այդ արտադրանքի լուրջ պակաս: Ազգայնացման գործին լծվել է անգամ ազգային գվարդիան, որը հսկում է գործարանի տարածքը և վերահսկում զուգարանի թղթի արտադրությունը: Այս մասին հաղորդում է BBC-ն:
Բացի զուգարանի թղթից հարավամերիկյան այդ հանրապետությունում զգացվում է առաջին անհրաժեշտության ապրանքների դեֆիցիտ: Երկրի ընդդիմությունն այս ամենում մեղադրում է Վենեսուելայի կառավարությանը: Մինչդեռ ըստ կառավարության՝ մեղավոր են «անբարեխիղճ տնտեսվարողները»: Զուգարանի թղթի հարցով լուրջ զբաղվում է նաև երկրի նախագահ Նիկոլաս Մադուրոն:
