Հոկտեմբերի 20-ին, խոշոր ավտովթար է տեղի ունեցել Կոտայքի մարզում: Ժամը 21:20-ի սահմաններում Եղվարդ-Երևան ավտոճանապարհի 32-րդ կմ հատվածում բախվել են BMW մակնիշի 04 ՍԼ 920 համարանիշի և Վազ 2121 մակնիշի 870 ՕԼ 64 համարանիշի ավտոմեքենաները:
Ինչպես վթարի վայրից հայտնում է ֆոտոլրագրող Գագիկ Շամշյանը, վթարի հետևանքով 7 հոգի մարմնական վնասվածքներով տեղափոխվել են հիվանդանոցներ. 3 հոգի՝ Եղվարդի բժշկական կենտրոն, 3 հոգի՝ «Արմենիա» բժշկական կենտրոն, իսկ 1 հոգի՝ «Էրեբունի» բժշկական կենտրոն:
Ֆոտոլրագրողը հայտնում է, որ վթարի վայր են ժամանել ճանապարհային ոստիկանության 2-րդ սպայական գումարտակի 3-րդ վաշտի աշխատակիցները՝ վաշտի հրամանատար Նիկողայոս Եղիազարյանի գլխավորությամբ: Վիրավորներին ավտոմեքենաներից դուրս են բերել Նաիրիի հրշեջ-փրկարարներն ու քաղաքացիները:
Այս պահին դեպքի վայրում աշխատում են ոստիկանության Նաիրիի բաժնի օպերատիվ քննչական խումբը՝ Նաիրիի ոստիկանապետ Սեյրան Մարտիրոսյանի և նույն բաժնի քննիչ Հայկ Հակոբյանի գլխավորությամբ: Օպերատիվ քննչական խումբը պարզում է վարորդների և վիրավորների ինքնությունը:
Ամբողջությամբ ՝ Shamshyan.com-ում:
