ԱՄՆ Վաշինգտոն նահանգում սողանքների հետևանքով զոհերի թիվը հասել է 41-ի։ Անհայտ կորած է համարվում 4 մարդ։ Այս մասին հաղորդում է CNN-ը։
Հորդառատ անձրևների հետևանքով առաջացած սողանքը գրանցվել է մարտի 22-ին Սիեթլից 90 կիլոմետր դեպի հյուսիս ընկած բնակավայրերից մեկում։ Սողանքի հետևանքով փակվել է Սթիլագուամիշ գետի վտակներից մեկը։ Իշխանությունները տարհանել են բնակիչներին։
ԱՄՆ նախագահ Բարաք Օբաման վաղը մեկնելու է աղետի գոտի և հանդիպելու է փրկարարական ջոկատների հետ։
Ավելի վաղ նշվում էր 36 զոհերի մասին։
