 ԱՄՆ և ԵՄ միջև ազատ առևտրի գոտի ստեղծելու մասին բանակցությունները ընդհատվել են ԱՄՆ կառավարության գործունեության մասնակի դադարեցման պատճառով,- հաղորդում է BBC-ն:
ԱՄՆ պատվիրակությունը արդեն մյուս շաբաթ պետք է Բրյուսել մեկներ երկկողմանի պայմանագրի դրույթները քննարկելու համար: Սրանից առաջ էլ Կոնգրեսում առկա ճգնաժամի պատճառով ԱՄՆ նախագահ Բարաք Օբաման էր չեղյալ համարել իր նախօրոք որոշված այցըԱսիա:
Հիշեցնենք, որ ԱՄՆ Կոնգրեսում պարտքի վերին շեմի բարձրացման հարցում համաձայնության չգալու պատճառով արդեն չվճարվող արձակուրդի են ուղարկվել հարյուր հազարավոր պետական ծառայողներ: |
